AQShning Kaliforniya shtatidagi sog‘lomlashtirish oromgohida 90 nafar bola va 50 nafar yetakchi hududda avj olgan o‘rmon yong‘ini asiriga aylandi. Bu haqda “Interfaks” xabar bermoqda.
Mahalliy o‘t o‘chirish xizmati rahbari Deyv Zaniboni Circle V Ranch oromgohidan kishilarni evakuatsiya qilishning iloji yo‘qligi, bu yerga olib boruvchi yo‘llar alanga olgan o‘rmonlar bilan to‘silganini bildirdi.
Bolalar va ularning yetakchilari hodisa joyida tabiiy ofatdan yashirinishga majbur bo‘lmoqda.
O‘rmon yong‘inlari Santa Barbara okrugida 8-iyul, shanba, kunning ikkinchi yarmida boshlandi va tezda tarqalmoqda. Ular qo‘shni Kolorado shtatiga o‘tishga ham ulgurdi.
Izoh (0)