O‘zbekiston Mustaqilligining 26 yilligi tantanalarigacha Toshkent Janubiy vokzali tubdan ta’mirlanishi haqida avvalroq xabar berilgan edi. Yangilanadigan Janubiy vokzal qanday bo‘lishiga “Darakchi.uz” e’tibor qaratdi.
“O‘zbekiston temir yo‘llari” AJdan xabar berishicha, vokzalni qayta ta’mirlash zaruriyati yo‘lovchi poyezdlarining yangi yo‘nalishlari yuzaga kelishi hamda yo‘lovchilar oqimining oshishi bilan yuzaga keldi.
Binoning fasad qismining arxitektura yechimi “Boshtransloyiha” AJ loyihalashtirish tashkiloti tomonidan Fransiyaning MB architects arxitektura byurosi bilan hamkorlikda ishlab chiqilgan. Bino zamonaviy xalqaro talablar asosida loyihalashtirilmoqda. Vokzalda yangi yo‘lovchi perronlari va yerosti yo‘llari ko‘zda tutilgan.
Vokzalni qayta ta’mirlash uchun, taxminan, 25 milliard so‘m sarflanishi rejalashtirilgan. Qurilish ishlarida 250 kishi ishtirok etmoqda, shundan – 5 prorab, 7 – yetakchi muhandis texnologlar, 238 – turli ixtisoslikdagi quruvchilar. Shuningdek, qurilish ishlariga 100 dona texnika jalb qilingan.
Ochilishdan so‘ng yangilangan vokzalning o‘tkazish qobiliyati o‘rtacha 11000 yo‘lovchini tashkil qiladi. Bu esa o‘z navbatida Markaziy “Toshkent” vokzalining bandligini 40 foizgacha kamaytiradi.
Izoh (0)