Time jurnali AQSh prezidenti Donald Tramp va Suriyaning Aleppo shahrida istiqomat qilgan bloger qiz Banu Alebedni internetdagi eng nufuzli insonlar deb topdi. Bu haqda “PIA Novosti” xabar bermoqda.
Oq uy rahbari “Internetdagi 25 nafar eng nufuzli inson” ro‘yxatiga Twitter’dagi shaxsiy va rasmiy akkauntida muntazam joylashtirib boriladigan matnlari tufayli kiritildi. Uning mazkur ijtimoiy tarmoqdagi mushtariylari soni bo‘yicha dunyoda yetakchi ekanligi qayd etilgan.
Aleppolik qiz ham Twitter’dagi xabarlari tufayli tanildi. Jurnalga ko‘ra, ushbu ma’lumotlardan “dunyo Suriyadagi fuqarolik urushi dahshatlaridan xabar topdi”. O‘tgan yil dekabrida Banu Alebed ota-onasi bilan Alepponi tark etdi va Turkiyaga ko‘chib o‘tdi.
Shuningdek, Time versiyasi bo‘yicha internetdagi eng ta’siri kuchli insonlar qatoridan Rossiyalik bloger Aleksey Navalniy, britaniyalik yozuvchi Joan Rouling, Amerikalik xonandalar Keti Perri va Rianna, realiti-shoular yulduzi Kim Kardashyan ham o‘rin oldi.
Izoh (0)