1-iyun, payshanba kuni Toshkent viloyatining Yangiyo‘l tumanida joylashgan “Alisher Navoiy gulshani” nomidagi madaniyat va istirohat bog‘ida Xalqaro bolalarni muhofaza qilish kuniga bag‘ishlangan madaniy-ko‘ngilochar tadbir bo‘lib o‘tdi.
Istirohat bog‘iga yig‘ilgan bolajonlar va ularning ota-onalari uchun milliy estrada vakillari tomonidan konsert dasturi, rang-barang tomoshalar va o‘yinlar tashkil etildi.
Yozgi ta’tilga chiqqan maktab o‘quvchilari, turli yoshdagi bolalarning vaqtini yanada maroqli o‘tkazish maqsadida bog‘ga Xitoydan yana 10 ga yaqin zamonaviy, barcha xavfsizlik talablariga javob beruvchi attraksionlar olib kelib o‘rnatilishi belgilangan.
Umumiy maydoni 2,57 gektarni tashkil etuvchi mazkur istirohat bog‘i O‘zbekiston Respublikasi Tashqi iqtisodiy faoliyat milliy banki tomonidan moliyalashtirilgan.
Izoh (0)