Filippinda IShIDning salkam 90 nafar jangarisi yo‘q qilindi

Filippin qurolli kuchlari oxirgi haftada IShID tarafdori bo‘lgan 89 nafar jangarini yo‘q qildi. Bu haqda “Korrespondent.net” xabar bermoqda. 

Mamlakat armiyasi brigada generali Restituto Padilyaga ko‘ra, Maravi shahrida yuzaga kelgan holatni bartaraf etish uchun “o‘ta muvaffaqiyatli” qadam tashlamoqda. Biroq jangarilar ixtiyorlarida qolgan hududning 10 foizini juda yaxshi qo‘riqlamoqda. Ularning aniq soni ham ma’lum emas. 

Rasmiy manbalarga ko‘ra, qurolli mojaro hozirgacha 21 harbiy va 19 fuqaroning umriga zomin bo‘ldi. Jangarilar qo‘l ostidagi hududlarda ham ko‘plab tinch aholi qolmoqda.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.