Amerikaning Carl Vinson atom aviatashuvchisi mazkur hafta Janubiy Koreyaning sharqiy sohillarini tark etib, San-Diyegoga qaytadi. U Gavayi orollarida to‘xtab o‘tadi. Bu haqda Janubiy Koreyaning Joong Ang Ilbo gazetasi ma’lum qildi, deb yozadi “TASS”.
Avvalroq AQSh Tinch okeanining g‘arbiy qismiga Ronald Reagan va Carl Vinson aviatashuvchilariga qo‘shimcha ravishda uchinchi aviatashuvchi Nimitz’ni yubormoqchi ekanligi haqida ma’lum qilingan edi.
Carl Vinson va kuzatuv kemalari joriy yilning aprelida ittifoqchilari bilan manyovrlar o‘tkazish va KXDRga qo‘shimcha bosim o‘tkazish uchun Koreya yarimoroliga kelgan edi.
Izoh (0)