O‘zbekiston milliy terma jamoasi sardori harakat qiladigan Xitoyning “Shanxay SIPG” futbol klubi Osiyo Chempionlar ligasining so‘nggi turida ham mag‘lub bo‘ldi.
Parallel o‘yinda Yaponiya klubi Seulda mag‘lub bo‘ldi. Shunga qaramay, kunchiqar yurtning “Urava Red” klubi guruhni peshqadam sifatida yakunladi. “Shanxay SIPG” bunga qadar Yaponiyada aynan shu jamoadan 0:1 hisobida yengilgandi.
Osiyo Chempionlar ligasi “F” guruhi. 6-tur 10-may, chorshanba
“Vestern Sidney” (Avstraliya) — “Shanxay SIPG” (Xitoy) 3:2
Gollar: Vu Li, 1 (0:1). Kusukami, 3 (1:1). Lustika, 6 (2:1). Elkeson, 23 (2:2). Sotirio, 89 (3:2).
O‘zbekistonning ikki yetakchi klubi Chempionlar ligasining guruh bosqichidan o‘ta olmagani inobatga olinsa, endi turnirda o‘zbekistonlik faqat bir nafar futbolchi qoldi.
Nimchorak finalda Xitoyning ikki klubi o‘zaro to‘qnash kelib qoldi. Unga ko‘ra, Odil Ahmedov jamoadoshlari chorak finalga chiqish uchun “Jiangsu” klubini ortda qoldirishi kerak bo‘ladi.
Izoh (0)