Bugun,

  • USD 11095.31
  • RUB 173.84
  • EUR 10772.44

Xyustondan (AQSh, Texas shtati) Kalgari shahriga (Kanada, Alberta provinsiyasi) parvoz qilgan Amerikaning United Airlines aviakompaniyasiga tegishli samolyot bortida yo‘lovchilardan birini chayon chaqib oldi. Bu haqda 13-aprel, payshanba kuni CNN telekanali xabar berdi.

Tushlik paytida biznes-klass yo‘lovchisi Rijard Bell yuk qo‘yiladigan tokchadan boshiga nimadir tushganini sezgan. Shunda u sochiga tushgan narsani qoqqan va uning qo‘lini chaqib olgan chayon yig‘ma stol ustiga tushganiga ko‘zi tushgan. Buni ko‘rgan yonidagi yo‘lovchi xavfni oldini olish maqsadida unga allergiyaga qarshi dori bergan.

Styuardlar bo‘g‘imoyoqlini ushlashga muvaffaq bo‘lgan va hojatxonaga tashlab yuborgan. Ular darhol zarur ko‘rsatmalarni bergan va bu noxush hodisa hayot uchun xavfli emasligiga ishontirgan yerdagi shifokor bilan bog‘langan.

Chayon qanday qilib samolyot bortiga chiqib qolgani noma’lum. Telekanal ma’lumotiga ko‘ra, samolyot bu reysga qadar Kosta-Rikadan uchib kelgan. Aviakompaniya keyinroq yo‘lovchidan uzr so‘radi va bo‘lib o‘tgan voqea uchun tovon puli taklif qildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!

Izoh
Asosiy yangiliklar
Dunyo
“Dunyo Rossiyaning Xitoy tomonidan qo‘llab-quvvatlanayotgan taktikasiga aldanmasligi kerak”. AQSH Davlat departamenti Si Szinpinning Moskvaga tashrifiga munosabat
Mahalliy
Jizzaxda YPX xodimlari formasida vayn ishlagan ikki erkak javobgarlikka tortilgani noqonuniy deb topildi
Mahalliy
Doshqozonlardagi sumalak, 40 qozondagi osh, tandirdan uzilgan ko‘k somsa: Farg‘onadagi Navro‘z tantanalari — suratlarda