“Motor” nashri tashqaridan Mercedes-Benz, BMW, Porsche, Rolls-Royce va hatto Ferrari’ga o‘xshash avtomobillarning xitoycha variantlari aks etgan suratlarini bir sahifaga jamladi.
BYD F8 (S8)
Mercedes-Benz kompaniyasi avtomobillari xitoylik dizaynerlar uchun “ilhom manbai” hisoblanadi. Xitoyning BYD F8 mashinasi Mercedes-Benz’ning CLK modeli asosida yaratilgan.
Mazkur avtomobil dvigatel hajmi 2 litrga teng 4 silindli motor bilan jihozlangan. BYD F8 140 ot kuchiga ega.
BAIC BJ80
Mercedes-Benz’ning yana bir kloni – xitoycha Gelandewagen. Mashina ko‘rinishi, kuzovi va hatto disklari ham Gelandewagen’ning original variantiga o‘xshatib qilingan.
Ammo BAIC BJ80 ning xarakteristikasi yuqori darajada emas. Mashinaning dvigatel hajmi 2,4 va 2,7 litrga teng variantlari bor. Shuningdek, xitoyliklar ushbu modelda Land Rover Defender’ning elementlaridan foydalangan.
BAIC BJ90
BJ90 modeli Mercedes GL X164 kuzovidan “ko‘chirma” olgan. Uning nafaqat ko‘rinishi, balki xarakteristikalari ham ko‘chirilgan.
Mashina 3 va 4 litrli mos ravishda 333 va 422 ot kuchiga teng turbomotor bilan jihozlangan. Mazkur modelning taqdimoti 2010-yili bo‘lib o‘tgandi.
Hawtai B35
Qo‘lning yengil harakati bilan Porsche avtomobili Hawtai B35 ga aylanadi. Aslida ushbu mashinada Jaguar XF va Audi Q7 genlarini uchratish mumkin. Ammo kuzov proporsiyalari Porsche Cayenne’ni eslatadi.
Albatta, Hawtai B35 modelining motori Cayenne’niki singari kuchli emas. Avtomobilning 1,8 va 2,0 litrli har biri mos ravishda 150 va 160 ot kuchiga teng benzinli turboagregat variantlari bor.
Geely GE
2010-yilda Xitoy 3D-printeri Rolls-Royce Phantom modelini klon qildi. Geely kompaniyasi tomonidan yaratilgan GE modeli Buyuk Britaniya kompaniyasi limuziniga o‘xshashligini payqash qiyin emas.
Interyerning asosiy ustunligi – orqa tomonning markaziga o‘rnatilgan yagona o‘rindiq. Geely GE mahalliy bozor uchun ishlab chiqarilgan va uni dunyoning boshqa mamlakatlarida uchratib bo‘lmaydi.
Qingdao Soar Automobile
O‘zingizni aldashga yo‘l qo‘ymang – bu 1960-yillarda ishlab chiqarilgan Rolls-Royce Phantom emas, balki Xitoyning Qingdao Soar Automobile kompaniyasining nuxsasi.
Mashina krash-testlar bilan mashhur bo‘lgan Brilliance BS6 asosida yaratilgan.
Jinma JMW 2200
Jinma JMW 2200 modeli BMW i3 elektrokariga o‘xshatilganini, ammo buning uddasidan chiqilmaganini ko‘rish mumkin.
Xitoycha elektromobil soatiga 50 kilometr tezlikka erisha oladi. Uning bitta quvvatlanishi 120 kilometr masofaga yetadi.
Eagle Came
Xitoyliklar Porsche va Ferrari avtomobillarini “boshini qovushtirishga” muvaffaq bo‘ldi. Natijada Eagle Came modeli dunyoga keldi.
Mashinaning old qismi Ferrari California T modelini eslatsa, orqa qismi Porsche Cayman’ga o‘xshaydi. Hatto mashina emblemasi ham Porsche’nikiga o‘xshab ketadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)