Mercedes Gelandewagen deganda qora va bahaybat yo‘ltanlmas ko‘z oldimizga keladi. “Motor” nashri mazkur avtomobilning kutilmagan ko‘rinishdagi suratlarini bir sahifaga joyladi.
“Cho‘llar hukmdori”
G-klass toifadagi Gelandewagen harbiylar buyurtmasi asosida dunyoga kelgan. So‘nggi yillarda ushbu yo‘ltanlamasning imiji biroz yo‘qolgan bo‘lsa-da, u o‘z imkoniyatlarini saqlab qolgan. Misol uchun, “Gelik” asosida ekspeditsiyalar uchun mo‘ljallangan Mercedes G Entdecker’ni yaratish mumkin.
G300 modeli 183 ot kuchiga ega V6 dizelli motor bilan jihozlangan. Yoqilg‘i bakining sig‘imi – 230 litr. Bundan tashqari 86 litrga teng suv baki, tomda yuklar uchun joy mavjud. Yukxonada esa yig‘iladigan stullar va muzlatkich bor.
Mashina tomiga safar uchun kerakli anjomlarni ortsa bo‘ladi.
Ikki kabinali pikap
G500 modeli asosida yaratilgan mazkur GWF pikapi 8 silindrli motorga ega. Mashina uzunligi 6 metr, balandligi 2,2 metrga teng.
G500 modelidan farqli o‘laroq GWF’ning yukxonasi va baquvvat shinalari bor. Avtomobil narxi 125 ming yevroga teng.
Mercedes-Benz G-Class LAPV 6.X
Armanistonning LAPV 5.4 zirhli avtomobili asosida yaratilgan ushbu prototip Daimler konserni va zirh uchun javobgar ACS Armoured Car System kompaniyasi bilan hamkorlikda ishlab chiqarilgan.
LAPV qisqartmasi “Yengil zirhlangan patrul avtomobili” degan ma’noni anglatadi. Mashina Gelendewagen’ning harbiycha versiyasi asosida ishlangan.
Avtomobil ajoyib navigatsiya va zamonaviy aloqa tizimlari bilan jihozlangan. Aytishlaricha, bunday mashinini individual shaxslar ham sotib olishi mumkin. Ammo uning narxi noma’lum.
Olti g‘ildirakli Gelandewagen
Ushbu avtomobil 1990-yillarda Schulz kompaniyasi tomonidan yaratilgan edi. Mashina 6x6 g‘ildirak formulasiga ega bo‘lgan.
Olti g‘ildirakli kabriolet 325 ot kuchiga teng hajmi 5 litrli dvigatel bilan jihozlangan.
Oshxona va yotoqxonaga ega bo‘lgan Gelandewagen
Ushbu mashina G-klass shassisi asosida Germaniyaning ORC kompaniyasi tomonidan Moskvada ishlab chiqarilgan.
G-Camp Pro ORC Edition nomli avtomobil yoqilg‘i va suv uchun qo‘shimcha baklar bilan jihozlangan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)