Luis Enrike: Messining “Barselona”dagi kelajagi haqida hozircha hech qanday taxmin qila olmayman
“Barselona” jamoasi bosh murabbiyi Luis Enrike klub yetakchisi Lionel Messining kataloniyaliklar bilan amaldagi kelishuvini uzaytirishi mumkinligi haqida o‘z fikrlarini bildirib o‘tdi, deb xabar bermoqda “Chempionat”.
“Muzokaralar boshlangani meni biroz xotirjam qilmoqda. U ‘Barselona’ bilan shartnomasini uzaytiradigan futbolchilardan biri bo‘ladi. Messining kelishuvi uzaytirilgani e’lon qilinganidan so‘ng uni nishonlaymiz. Agar bu haqda e’lon qilinsa, albatta. Ayni vaqtda Messining klubdagi kelajagi haqida hech qanday taxmin qila olmayman”, – dedi Enrike.
Oldinroq Lionel Messining otasi Xorxe o‘g‘lining kataloniyaliklar bilan shartnomasini muhokama qilish uchun Ispaniyaga kelgani haqida xabar berilgandi. Tomonlar Rojdestvo bayramiga qadar shartnoma borasida kelishib olmoqchi ekani ta’kidlangandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
