Koreya Respublikasi 2017-yilgi mudofaa budjetini 4 foizga 40,34 trillion vongacha (34 milliard dollar) oshirdi. Bu haqda 5-dekabr, dushanba kuni mamlakat Milliy mudofaa vazirligi ma’lum qildi, deb yozadi “TASS”.
“Bu Shimoliy Koreya tomonidan harbiy tahdidning oshirilishiga javob qaytarish zarurati bilan bog‘liq”, — deb ta’kidlaydi boshqarma. Uning ma’lum qilishicha, 28,4 trillion von (24,2 milliard dollar) operatsiya xarajatlari, 12,1 trillioni esa (10,4 milliard dollar) qurolli kuchlar harbiy tayyorgarligini mustahkamlashga sarflanadi.
Mamlakatning harbiy xarajatlari tarixda birinchi marta 40 trillion vondan oshib, 400,5 trillion vonga (340 milliard dollar) teng umumiy budjetning 10 foizini tashkil etdi.
Koreya yarim orolidagi vaziyat 2016-yilda o‘ta keskinlashdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)