Rossiya fuqaroligini olgan Gollivud aktyori Stiven Sigal Moskvaga borishni rejalashtirmoqda

3-noyabr, payshanba kuni Rossiya fuqaroligini olgan amerikalik aktyor Stiven Sigal yaqin kunlarda Moskvaga borishni rejalashtirmoqda. Bu haqda uning yordamchisi Irina “TASS”ga ma’lum qildi.

Stiven Sigal yordamchisining ma’lum qilishicha, ayni damda aktyor AQSh hududidan tashqarida. Rossiyaga esa taxminan 10 kun yoki ikki haftadan so‘ng boradi.

64 yoshli aktyorning Rossiyaga tashrifining maqsadi haqidagi savolga uning yordamchisi barcha tafsilotlarga Sigal manzilga yetib borgach aniqlik kiritilishini aytdi.

Avvalroq Stiven Sigal unga Rossiya fuqaroligi berilgani uchun tashakkur izhor qilgani haqida xabar berilgandi.