Yagona portalda Toshkent shahri tuman hokimiyatlarining yuridik shaxslar tomonidan ko‘chma savdoga ruxsatnoma olishga elektron ariza taqdim etish yangi xizmati ishga tushdi. Bu haqda Yagona portalda axborot berilgan.
Ruxsatnoma berish uchun Vazirlar Mahkamasining “Ko‘chma savdoga ruxsat berish tartibi to‘g‘risidagi nizomni tasdiqlash haqida”gi qaroriga binoan Toshkent shahrida ko‘chma savdo qilishda eng kam oylik ish haqining bir baravari miqdorida yig‘im undiriladi.
Ruxsatnoma berish to‘g‘risidagi ariza tuman hokimiyati tomonidan uch ish kunidan ortiq bo‘lmagan muddatda ko‘rib chiqiladi. Xizmatning natijasi boʻlib arizachiga ko‘chma savdoga ruxsat berish toʻgʻrisidagi xabarnomani yuborish hisoblanadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)