Dubay politsiyasi departamenti 2017-yilda shahar ko‘chalarida ish boshlaydigan birinchi politsiyachi robotni 36-xalqaro Fors Ko‘rfazi informatsion texnologiyalar doirasidagi GITEX Technology Week–2016 ko‘rgazmasida taqdim etdi. Bu haqda TJournal xabar bermoqda.
Loyihaning amalga oshirilish tafsilotlari haqida ma’lumot keltirilmagan, ammo Dubay politsiyasi politsiyachi robotlarni kelasi 4 yil davomida ommaviy ishga tushirishni rejalashtirmoqda.
Avvalroq Dubay politsiyasi departamenti boshlig‘i Xolid Razuqiy bu ishda robot ba’zi holatlarda inson o‘rnini bosa olishini aytgandi.
BAAda zamonaviy texnologiyalarning tartibni nazorat qilishda jalb etilish holatlari avval ham kuzatilgan. 2016-yilda patrul-post xizmati xodimlari Google Glass yordamida 60 dan ortiq jarimalar belgilagan. Ushbu qurilma qoidabuzarning mashina raqamlarini aniqlashda yordam bergan.
Izoh (0)