AQSh va Fransiya harbiy-havo kuchlari Mosul sharqidagi IShID marralariga zarba bermoqda

Xalqaro koalitsiya kuchlari va Iroq xavfsizlik kuchlari Mosul shahrida IShID guruhi marralari bo‘yicha zarbalar berishni boshladi. Bu haqda NTV telekanali ma’lum qildi, deb yozadi “TASS”.

Hozirgi paytda shaharning sharqiy qismidagi obyektlarga zarba berilmoqda. Bundan tashqari, AQSh artilleriyasi 15-oktabr, shanba kechasi IShIDning Mosul yaqinidagi pozitsiyalari va boshpanalarini o‘qqa tutdi.

Shu bilan birga, telekanalning ma’lum qilishicha, Mosuldagi asosiy operatsiya hali boshlanmagan.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.