Futbol bo‘yicha Fransiya terma jamoasi safida JCh–1998 hamda Yevro–2000 g‘olibi, ayni damda Madridning “Real” klubi bosh murabbiyi Zinedin Zidan Sankt-Peterburg shahrining mehmondo‘stlik elchisi bo‘lish taklifini qabul qildi. Bu haqda “Interfaks” xabar bermoqda.
“Taniqli sportchi, musiqachi, artist va boshqalarni taklif qilish orqali butun dunyo bizga kelish mumkinligini bila oladigan dasturni ishga tushiryapmiz”, – dedi Sankt-Peterburg shahrining turizm bo‘yicha boqarmasi boshlig‘i Andrey Mushkaryov.
Mushkaryovning so‘zlariga ko‘ra, 2017-yilga qadar shahar rasmiylari 10 nafarga yaqin mehmondo‘stlik elchilarini jalb qilishni rejalashtirgan.
Xabarda qayd etilishicha, Zidan yaqinda turmush o‘rtog‘i bilan Sankt-Peterburgda ikki kun o‘tkazdi.
Sankt-Peterburg JCh–2018 va Konfederatsiyalar Kubogi—2017 turniri doirasidagi uchrashuvlarga mezbonlik qiladigan shaharlardan biri hisoblanadi.
Izoh (0)