“Arsenal” darvozaboni Petr Chex to‘qilgan qalpoqlarni sotib olishni taklif qilayotgan reklama roligini suratga oldi (video)

Angliyaning “Arsenal” jamoasi darvozaboni Petr Chex to‘qilgan himoya qalpog‘ini taklif qilayotgan reklama roligini suratga oldi. Reklama videosi chexiyalik posbonning Facebook’dagi sahifasida e’lon qilindi, deb xabar bermoqda “TASS”.

“Ehtimol, har bir muxlisda bo‘lishi kerak bo‘lgan eng yaxshi aksessuar. Ayniqsa, kuz va qishning sovuq kunlarida”, – dedi Chex.

Qalpoqda Chexning imzosi tushirilgan surat majvud. Bosh kiyim narxi 31,20 yevroga teng.

Ma’lumot uchun, Petr Chex 2007-yildan buyon maxsus himoya shlemida maydonga tushadi. 2006-yilning oktabr oyida chexiyalik posbon “Chelsi” safida Angliya chempionati o‘yinida boshidan jarohat olgandi.

2015-yilning iyun oyida Petr Chex “Chelsi”dan “Arsenal” safiga o‘tgandi.

[fbvideo link="https://www.facebook.com/PetrCech.official/videos/1181665441892483/" width="500" height="400" onlyvideo="1"]