Germaniya sharqidagi hayvonot bog‘idan ikkita sher qochib ketdi

Germaniyaning Leypsig shahridagi hayvonot bog‘ida saqlanayotgan ikki sher to‘siqlardan oshib o‘tib, ozodlikka chiqib ketdi. Bu haqda “Interfaks” xabar bermoqda.

“Jonzotlar qandaydir yo‘l bilan to‘siqlardan oshib o‘tgan. Shundan so‘ng hayvonot bog‘i yopildi va uning hududida birorta ham tashrifchi qolmadi”, — dedi hayvonot bog‘ining vakili Mariya Zegebart.

Ayni damda sherlarning qayerda ekani noma’lum. Jonzotlarni mahalliy politsiya xodimlari qidirmoqda.