Liviya neft qazib olish hajmini cheklamaydi

Liviya neft qazib olishni sutkasiga kamida 1,6 million barrelga yetkazguniga qadar hajmlarni muzlatib qo‘yishni rejalashtirmayapti. Bu haqda mamlakatning OPEK huzuridagi vakili Muhammad Oun The Wall Street Journal gazetasiga ma’lum qildi, deb yozadi “TASS”.

“Biz qazib olishning avvalgi hajmiga erishmagunimizcha cheklab qo‘yishga rozi emasmiz”, — deb ta’kidladi u.

Ounning so‘zlariga qaraganda, Liviya, mamlakatning sobiq yetakchisi Muamar Kaddafi boshqaruvi davrida bo‘lganidek, neft ishlab chiqarishda sutkasiga 1,6 million barrel ko‘rsatkichga erishishga urinmoqda.

Hozirda bu raqam sutkasiga 300 ming barrelni tashkil etadi.