Portugaliyaning Madeyra orolidagi katta yong‘in oqibatida to‘rt kishi hayotdan ko‘z yumdi. Bu haqda Portugaliya bosh vaziri Antoniu Koshta 10-avgust kuni jurnalistlarga ma’lum qildi, deb xabar bermoqda “Interfaks”.
“Ushbu favqulodda holat yong‘in xavfsizligidagi imkoniyatlarimizdan ustunroq bo‘lib turibdi”, – dedi bosh vazir.
Xabarda qayd etilishicha, 80 kishi kuyish va is gazi bilan zaharlarish tufayli shifoxonaga yotqizildi. Ularning ikki nafari og‘ir ahvolda bo‘lib turibdi. Bundan tashqari, 1000 nafarga yaqin odamni uy va mehmonxonalardan evakuatsiya qilishga to‘g‘ri keldi.
Ayni damda yong‘in oqibatida 40 ta uy vayron bo‘ldi.
Antoniu Koshta ta’kidlashicha, yuqori harorat va kuchli shamol tufayli yo‘qotishlar oshishi mumkin.
Izoh (0)