Kasablankada (Marokash) ikki binoning qulashi oqibatida kamida bir kishi halok bo‘ldi, 16 kishi jarohat oldi. Bu haqda Associated Press ma’lumotiga tayanib, “RBK” xabar berdi.

Jarohat olgan 16 kishidan kamida olti nafari og‘ir ahvolda ekanligi ma’lum qilinmoqda. AP agentligining ta’kidlashicha, mazkur tuman aholisi ancha vaqtdan buyon binolarning yomon ahvolda ekanligi va texnik xizmat ko‘rsatilmaganligidan shikoyat qilib kelgan.

Binolarning qulashi Kasablankaning ishchi kvartallaridan birida yuz berdi.