Turkiyada 99 nafar polkovnik harbiy to‘ntarishga urinishdan so‘ng general va admiral unvonlarini oldi

Turkiyada 99 nafar polkovnik harbiy to‘ntarishga urinishdan so‘ng general va admiral unvonlarini oldi. Bunday qarorni Turkiya Oliy harbiy kengashi chiqardi, deb xabar bermoqda “Korrespondent.net”.

Jandarmeriya, birinchi va ikkinchi armiyaga yangi qo‘mondonlar tayinlandi. Shuningdek, Turkiya Bosh shtabi boshlig‘ining yangi o‘rinbosari tayinlandi.

Qayd etish kerakki, Turkiya Oliy harbiy kengashi yig‘ilishidan so‘ng Bosh shtab boshlig‘i, quruqlikdagi qo‘shin, harbiy-havo kuchlari va harbiy-dengiz kuchlari qo‘mondonlari o‘z lavozimlarini saqlab qoldi.

Turkiya hukumati mamlakatdagi harbiy to‘ntarishga urinishda isyonchilar boshlig‘i deb Turkiya HHK generali Akin O‘zturkni topdi. Sobiq bosh qo‘mondon to‘ntarishni tashkil etganini o‘zi ham tan oldi.