Shved muhandisi uchar kursi yaratdi (video)

Shvetsiyalik muhandis Aksel Borg uchar kursi yaratdi, deya xabar bermoqda 3DNews.

Kashfiyotchi qachonlardir har bir muhandis hayoti davomida o‘z uchar qurilmasini loyihalashtirib, uni hayotga tatbiq etishga urinib ko‘rishi lozimligi haqidagi fikrni eshitgan edi. Bu g‘oya unga juda ma’qul keldi. Bolalikdagi orzusini u sakkizta benzin dvigatelli propeller, karkasdan quvur, kontroller va o‘rindiq yordamida hayotga joriy qilishga erishdi. Qurilmani loyihalashtirish davomida Aksel unga bir nechta o‘ziga xos talab qo‘ydi: qurilma ixcham o‘lchamlarga ega bo‘lishi va odatiy garajga sig‘ishi, shuningdek, oddiy, qulay va uchish davomida bir finjon qahva ichib dam olish imkonini berishi kerak edi.

Konstruksiya 7 ming dollar tannarxga ega. Albatta, ushbu qurilmada uzoq masofaga ucha olmaysiz, biroq ko‘ngilochar parvoz uchun undan foydalanish mumkin.

Uchar kursini yaratish uchun muhandis olti oy vaqt sarfladi. Biroq u agar ish va oilaga vaqt ajratmasdan, loyihaga butunlay kirishsa, bunga ikki—uch hafta vaqt sarflash mumkinligini ta’kidladi.

https://www.youtube.com/watch?v=l-e2QiCbYjc