29-iyulga o‘tar kechasi iyul oyining an’anaviy “yulduzlar yomg‘iri” — Janubiy Delta-Akvaridlarini kuzatish mumkin. Bu haqda “Gazeta.uz” xabar bermoqda.
“Ushbu hodisani O‘zbekiston hududida bulutsiz havo sharoitida kuzatish mumkin”, – deb “Gazeta.uz” nashriga ma’lum qildi Mirzo Ulug‘bek nomidagi Astronomiya institutining katta ilmiy xodimi Chori Sherdonov.
Xabarda aytilishicha, meteor yomg‘irini ko‘rish uchun shahar yorug‘ligidan uzoqroq bo‘lgan joylarni tanlash kerak. Buning uchun yarim tunning dastlabki ikki soati eng qulay vaqt sanaladi.
Izoh (0)