Bugun, 15-iyul kuni Devis Kubogining Osiyo/Okeaniya mintaqalari ikkinchi saralash bosqichi doirasida tennis bo‘yicha O‘zbekiston terma jamoasi Xitoy termasiga qarshi bahs olib bordi, deb xabar bermoqda “Sports.uz”.
Dastlabki bahsda O‘zbekistonning ikkinchi raqamli tennischisi Farrux Do‘stov Chje Chjangga qarshi bahs olib borib, 6:1, 4:6, 4:6, 2:6 hisobida imkoniyatni boy bergan bo‘lsa, ikkinchi o‘yinda O‘zbekistonning birinchi raketkasi Denis Istomin Di Vuni qiyinchiliksiz 6:4, 6:4, 6:2 hisobida mag‘lubiyatga uchratdi.
Dastlabki kundan so‘ng 1:1 hisobi qayd etildi.
Ertaga, 16-iyul kuni Istomin/Do‘stov juftligi Chje Li/Mao-Sin Gun tandemiga qarshi kortga chiqadi. 17-iyul, yakshanba kuni esa Denis Istomin Chje Chjanga qarshi, Farrux Do‘stov esa Di Vuga qarshi bahs olib boradi.
Izoh (0)