29-iyun, chorshanba kuni Toshkentdagi “O‘rikzor” bozori hududida issiq suv quvuri yorilib ketishi natijasida ikkita avtomobil jiddiy zarar ko‘rdi. Bu haqda Facebook’dagi “Voditeli Tashkenta” guruhi a’zolari xabar berdi.
Hodisa bozorning avtoturargohida sodir bo‘lgan. Matiz va “Jiguli” avtomobillariga ziyon yetgan. Voqea guvohlari ma’lum qilishicha, quvur shunchalik kuch bilan yorilganki, uning bir qismi havoga otilib chiqqan.
Yorilgan quvurdan oqib chiqqan issiq suv bozorning ma’lum hududini suv ostida qoldirgan.
Izoh (0)