General Motors Uzbekistan AJ matbuot xizmati Andijon viloyatidagi avtozavod ishi to‘xtatilgani va qo‘shma korxona xodimlari qo‘lga olingani haqidagi xabarlarni rad etdi, deb yozadi “Gazeta.uz”.
Asakadagi avtozavod ayni paytda odatiy rejimda ishlamoqda, deya ta’kidlashdi matbuot xizmatidagilar. Asosiy eskport bozorlaridagi inqiroz mahalliy avtomobil mahsulotlari savdosiga ta’sir qildi, ammo bu hech ham Asaka zavodi faoliyati to‘xtatildi, degani emas, deyiladi xabarda.
Avtomobil ishlab chiqaruvchining matbuot xizmati, shuningdek, avval eksport uchun yuklangan va O‘zbekistonga noqonuniy yo‘llar bilan qaytarib olib kelingan avtomobillarni ichki bozorda sotish “sxemasi” hamda qo‘shni mamlakatlardagi chegaradosh hududlarda bunday maqsadlarda foydalaniladigan vakillari borligi haqidagi xabarlarni ham butunlay rad etdi.
“Bunday xabarlar nafaqat GM Uzbekistan AJni, balki u holda bunday noqonuniy firibgarlik sxemalarining bevosita ishtirokchilariga aylanishi kerak bo‘lgan O‘zbekiston Respublikasining boshqa davlat organlari va muassasalarini, jumladan, Davlat bojxona qo‘mitasi, Davlat soliq qo‘mitasi, Davlat chegaralarini qo‘riqlash qo‘mitasi, banklarni ham butunlay asossiz va isbotsiz firibgarlikda ayblaydi”, — deyishdi qo‘shma korxona matbuot xizmatida.
Izoh (0)