Rossiya futbol ittifoqi Ijroqo‘mining navbatdagi yig‘ilishida Rossiya chempionatining 2015/16-yilgi mavsumining eng yaxshi 33 nafar futbolchisi ro‘yxati tasdiqlandi, deb xabar bermoqda “Chempionat”.
E’tiborga molik tomoni, O‘zbekiston terma jamoasi va Moskvaning “Lokomotiv” klubi a’zosi Vitaliy Denisov mavsumning eng yaxshi 3 nafar chap qanot himoyachisi ro‘yxatida birinchi o‘rinda qayd etildi.
Rossiya chempionatida to‘p suradigan boshqa bir o‘zbekistonlik futbolchi, mamlakat terma jamoasi sardori hamda “Krasnodar” tayanch yarim himoyachisi Odil Ahmedov eng yaxshi futbolchilar ro‘yxatidan joy olmadi.
Izoh (0)