Futbol bo‘yicha Fransiya terma jamoasi hamda “Yuventus” yarim himoyachisi Pol Pogba Barselona shahrida uy sotib oldi, deb xabar bermoqda “Stadion.uz”.
23 yoshli futbolchining Barselona shahrida sotib olgan uyi uning kataloniyaliklar safiga qo‘shilishi mumkinligi haqidagi navbatdagi gap-so‘zlarni keltirib chiqardi. Proto Group Ltd mulk agentligi rahbari Alessandro Protoning aytishicha, mazkur xarid Pogbaning futbol faoliyati bilan bog‘liq emas.
“Pogbaning Barselonada uy sotib olishi uning futbol faoliyati bilan bog‘liq emas. Bu shunchaki investitsiya. Bizning mijozimiz mashhur futbolchi bo‘lgani uchun bu narsani ochiq-oydin ta’kidlashimiz kerak. Ammo OAVlar turli mish-mishlarni keltirib chiqarishini qo‘llab-quvvatlamaymiz. Bir necha kun avval Lionel Messi agentligimiz yordamida Parijdan uy sotib oldi. Avvalroq esa Krishtianu Ronaldu Nyu-Yorkda apartament xarid qilgandi”, – deya bayonot berdi Alessandro Proto.
“Soccer.ru” nashrining 24-may kuni chop etilgan xabarida Lionel Messi 8,3 million yevro evaziga ko‘chmas mulk sotib olgani ma’lum qilingan.
Izoh (0)