BMT bosh kotibi Pan Gi Mun Chad sobiq prezidenti Xissen Xabrega nisbatan chiqarilgan hukmni xalqaro odil sudlov tizimidagi tarixiy hodisa deb atadi. Bu haqda “TASS” xabar bermoqda.

Hukm Dakarda Afrika ittifoqining Senegal hukumati bilan muvofiqlashtirib tashkil etilgan maxsus tribunali tomonidan chiqarildi.

“Chadning sobiq prezidenti Xissen Xabre odamlarni o‘g‘irlash, qasddan o‘ldirish va majburiy qullikda saqlash, shuningdek, ommaviy qiynash va jazolashda aybdor deb topildi. Bu kabi qarorning chiqarilishi ushbu kunni Chad xalqi, shuningdek, xalqaro odil sudlov tizimi uchun tarixiy kunga aylantiradi”, — deb ta’kidladi bosh kotib.

Xissen Xabrega nisbatan sud jarayoni 2015-yilning 20-iyulidan buyon davom etib kelayotgan edi.

Eslatib o‘tamiz, Chadning sobiq prezidenti insoniyatga qarshi jinoyatlari tufayli bir umrlik qamoqqa hukm qilindi.