Xitoy janubida besh nafar raftingchi halok bo‘ldi, uch nafari bedarak yo‘qoldi

Xitoy janubidagi Guandun provinsiyasida rafting bilan shug‘ullangan besh nafar sayyoh 28-may, shanba kuni to‘satdan yuz bergan toshqin oqibatida halok bo‘ldi. Yana uch kishi bedarak yo‘qoldi, deb xabar beradi “TASS”.

Fojia Szyanmen shahri yaqinidagi Fenxuasya sayyohlik hududida sodir bo‘ldi. Toshqin payti suvda bo‘lgan olti nafar raftingchi qutqarib qolindi. Qolganlarini qidirish ishlari davom etmoqda.