Bryussel metrosida to‘rtinchi portlash yuz berdi

Bryussel metrosida to‘rtinchi portlash yuz berdi. Bu haqda, i24news muxbirining tvitteriga asoslanib, “Gazeta.ru” xabar bermoqda.

Bungacha, xabar berishlaricha, Bryussel metrosida uchta portlash yuz bergan edi. Xususan, Malbek metro bekati (yoki yaqini)dagi portlash oqibatida kamida 10 kishi halok bo‘lgan.

“Interfaks” xabariga ko‘ra, Bryussel metrosining barcha bekatlarida odamlar evakuatsiya qilinmoqda.

22-mart, seshanba kuni dastlab Bryussel aeroportida ikki portlash yuz berdi, yana bir portlovchi uskuna ishlamay qolgani aytilmoqda. Hukumat tomonidan rasman terakt deb tan olingan aeroportdagi portlash oqibatida, so‘nggi ma’lumotlarga ko‘ra, 13 kishi halok bo‘lgan.

Butun Belgiya bo‘ylab terrorchilik tahdidining eng yuqori darajasi e’lon qilingan, mamlakat hukumati aholini ko‘chaga chiqmaslikka chaqirmoqda.

• Bryusseldagi portlashlar