O‘zbekistonda 2016-yil 1-martdan yangi tahrirdagi Yo‘l harakati qoidalari kuchga kirdi. Unda, jumladan, avtomobilda nur qaytargichli maxsus nimcha bo‘lishi kerakligi qayd etilgan.
Facebook’dagi “Voditeli Tashkenta (Drivers.uz)” guruhida: “1-mart bilan, do‘stlar!”, — izohi bilan fotoxabar qoldirildi. Unda bozorga kiraverishda nur qaytargichli maxsus nimchalar savdosi bilan shug‘ullanayotgan bir guruh sotuvchilar tasvirlangan.
Fotoxabar ostida fikr bildirganlardan birining yozishicha, surat Andijon shahridagi mashina bozorida olingan.
Ma’lumot uchun, yangi tahrirdagi Yo‘l harakati qoidalarining 10-bandi “ye” qismiga ko‘ra, sutkaning qorong‘i vaqtida va yetarlicha ko‘rinmaydigan sharoitda majburiy to‘xtagan transport vositasining haydovchisi ta’mirlash maqsadida yo‘lning qatnov qismiga chiqishdan oldin nur qaytargichli maxsus jilet kiyib olishi shart.
Izoh (0)