OAV: Iroqda o‘g‘irlab ketilgan uch nafar amerikalik bir oydan so‘ng ozod etildi

Iroq poytaxtida joriy yilning yanvar oyida o‘g‘irlab ketilgan uch nafar amerikalik ozod etildi. Bu haqda Associated Press agentligi ma’lumotiga tayanib, “TASS” xabar beradi.

Ma’lum qilinishicha, amerikaliklarni ushbu Yaqin Sharq mamlakatining razvedka xizmati xodimlari ozod etgan.  Agentlikning ta’kidlashicha, ular AQShning Bag‘doddagi elchixonasiga yetkazilgan. Elchixona vakillari hozircha ushbu ma’lumotni hech qanday izohlamadi.

Avvalroq OAVda ma’lum qilinishicha, AQShning so‘z yuritilayotgan uch nafar fuqarosi pudratchi bo‘lgan. Ularning kimga ishlaganligiga aniqlik kiritilmagan. O‘g‘irlanganlardan ikki nafarining kelib chiqishi iroqlik bo‘lgan.