“Barselona” hujumchisi Lionel Messi klub akademiyasining bir nechta bolalar jamoalari kapitanlari bilan uchrashdi, deya xabar bermoqda “Chempionat”. Yosh o‘yinchilar Argentina termasi futbolchisidan intervyu oldi, u bolalarga o‘zi va orzu-istaklari haqida gapirib berdi.
“‘Oltin to‘p’larni o‘z uyimda saqlayman. Uning ahamiyatini e’tiborga olgan holda, bu mukofotni qo‘lga kiritish juda yoqimli. Lekin men ‘Oltin to‘p’ni boshqa o‘ylamayapman va mavsumdagi vazifalarimizga diqqat-e’tibor qaratmoqdaman. 2015-yildagi muvaffaqiyatlarni takrorlashni istardim. Unvonlarni qo‘lga kiritishda davom etishga harakat qilaman. Men doim ‘Barselona’ barcha musobaqalarda g‘oliblikka da’vo qilishini aytib kelganman, bu jamoamizning vazifasi”, — dedi Messi.
Nashr eslatishicha, 2015-yil yakunlariga ko‘ra, “Barselona” Ispaniya chempionati, Mamlakat kubogi, Chempionlar ligasi, UEFA superkubogi va klublar o‘rtasida jahon chempionatida g‘alaba qozondi. Messining o‘zi yilning eng yaxshi futbolchisi nomiga sazovor bo‘ldi.
Izoh (0)