O‘zbekistonda 20-yanvar kuni bahoriy iliq havo hukm surishda davom etadi. Bu haqda “O‘zgidromet” ma’lumot bermoqda.
20-yanvar kuni O‘zbekistonda yog‘ingarchilik kutilmaydi, ba’zi joylarga tuman tushishi mumkin. Tog‘li hududlarda qor ko‘chishi xavfi bor. Qayd etish joiz, tog‘li hududlarda 20-yanvarga o‘tar kechasi havo harorati -10 darajagacha sovishi, kunduzi esa +5 darajagacha ilishi mumkin.
Toshkent shahrida 20-yanvarga o‘tar kechasi -2 darajagacha, Toshkent, Samarqand, Jizzax, Sirdaryo viloyatlarida -3 darajagacha, Andijon, Namangan, Farg‘ona viloyatlarida esa -5 darajagacha sovuq bo‘lishi kutilmoqda. Qolgan hududlarda havo harorati 0 darajadan tushmaydi.
20-yanvar kuni kunduzi Qoraqalpog‘iston Respublikasi, Xorazm, Toshkent, Samarqand, Jizzax, Sirdaryo viloyatlari va Toshkent shahrida +15 darajagacha, Buxoro, Navoiy, Surxondaryo, Qashqadaryo viloyatlarida +18 darajagacha iliq bo‘ladi. Farg‘ona vodiysida +3...+8 daraja iliq bo‘lishi kutilmoqda.
Izoh (0)