Volkswagen avtomashinalarining sotilishi 13 yil ichida birinchi marta tushib ketdi
Germaniyaning Volkswagen konserni, dizel avtomashinalaridagi chiqindi ko‘rsatkichlarini kamaytirib ko‘rsatish bilan bog‘liq mojaro fonida, 2015-yilda dunyo bo‘ylab 13 yilda ilk marotaba avtomashina sotuvini qisqartirdi. Bu haqda The Wall Street Journal nashri bergan ma’lumotlarga asosan “Interfaks” xabar qilmoqda.
Ma’lum qilinishicha, yil davomida Volkswagen avtomashinalarining savdosi 2 foizga tushib ketib, 9,9 milliontani tashkil qildi. 2014-yilda esa, sotish hajmi bo‘yicha Volkswagen Yaponiyaning Toyota Motor kompaniyasidan keyin ikkinchi o‘rinni egallagan edi.
2015-yil dekabr oyi savdolari 5,2 foizga tushib ketdi va 834,8 mingta avtomashinani tashkil qildi.
Eslatib o‘tamiz, Volkswagen AG rahbari Mattias Myuller zararli chiqindi ko‘rsatkichlarini kamaytirib ko‘rsatadigan elektron dastur yordamida qilingan firibgarlik uchun amerikaliklardan uzr so‘ragan edi.
