Pogba, Inyesta, Neymar, Messi va Ronaldu FIFAning yil ramziy terma jamoasidan o‘rin oldi

FIFA 11-yanvar kuni Syurixda tashkil etilgan “Oltin to‘p” taqdimotida 2015-yil yakunlariga ko‘ra yil ramziy terma jamoasidan o‘rin olgan futbolchilar nomini e’lon qildi.

Tarkibdan o‘rin olgan 11 futbolchining 8 nafari Ispaniya chempionati (4 nafari “Real Madrid”da, qolgan 4 nafari “Barselona”da), qolgan uch futbolchining biri Fransiya, biri Germaniya va yana biri Italiya chempionatida to‘p suradi.

Yil ramziy terma jamoasidan quyidagi futbolchilar o‘rin olgan:

Darvozabon — Manuel Noyer (Germaniya terma jamoasi; “Bavariya” (Germaniya));

Himoyachilar — Dani Alvesh (Braziliya; “Barselona” (Ispaniya)), Tiago Silva (Braziliya; “PSJ” (Fransiya)), Serxio Ramos (Ispaniya; “Real Madrid” (Ispaniya), Marselo (Braziliya; “Real Madrid”);

Yarim himoyachilar — Andres Inyesta (Ispaniya; “Barselona”), Luka Modrich (Xorvatiya; “Real Madrid”), Pol Pogba (Fransiya, “Yuventus”);

Hujumchilar — Krishtianu Ronaldu (Portugaliya; “Real Madrid”), Neymar (Braziliya; “Barselona”), Lionel Messi (Argentina; “Barselona”).

“Oltin to‘p” taqdimotida, shuningdek, yilning eng yaxshi goli muallifi nomi, yilning eng yaxshi erkaklar va ayollar jamoasi murabbiyi nomi hamda yilning eng yaxshi erkak va ayol futbolchisi nomi e’lon qilinishi ham kutilmoqda.