Ukraina Markaziy Osiyoga yuk tashuvchilarga Rossiyani chetlab o‘tadigan yo‘nalishdan foydalanishni taklif etmoqda

Ukraina Markaziy Osiyoga yuk  yetkazish uchun Rossiyani chetlab o‘tish imkonini beruvchi Transkaspiysk xalqaro transport yo‘nalishidan foydalanishni taklif etmoqda. Bu haqda “Review.uz” xabar berdi.

Mamlakat infratuzilma vazirligining ma’lum qilishicha, 2016-yil 15-yanvarda Ilichevskdan Ukraina—Gruziya—Ozarbayjon—Qozog‘iston— Xitoy ( Kaspiy va Qora dengiz orqali) yo‘nalishi bo‘yicha konteyner poyezdining namoyish reysi yo‘lga chiqadi. Ushbu marshrut Buyuk ipak yo‘lining yangi yo‘nalishi bo‘lib, sharqiy hududlarga Rossiyani aylanib o‘tib yuk oqimlarini yo‘naltirish imkonini beradi. U Qora va Kaspiy dengizlaridagi parom kechuvlarini o‘z ichiga oladi (Ilichevsk—Batumi va Alyat—Aktau-Port).

Namoyish reysi Ukrainadan Markaziy Osiyo mamlakatlariga yuk yetkazib berishning an’anaviy quruqlikdagi yo‘liga raqobat qiluvchi yo‘nalish ochilganini ko‘rsatib berishi kutilmoqda. Konteyner poyezdi taxminan 20 ta vagondan iborat bo‘ladi.