Yevropa mamlakatlari va Turkiya Suriyadagi IShID guruhiga zarba beruvchi uzoqqa qatnaydigan Rossiya samolyotlari uchun o‘z havo hududini yopdi, deya xabar bermoqda “Vedomosti” Rossiya Harbiy-kosmik kuchlarining uzoqqa qatnovchi aviatsiya qo‘mondoni o‘rinbosari general-mayor Anatoliy Konovalovga tayanib.
Endi Rossiya uchuvchilari Yevropani aylanib o‘tishiga to‘g‘ri keladi. Konovalovning aniqlik kiritishicha, Harbiy-dengiz floti aviatsiyasining Olenegorsk yaqinidagi bazasi eng shimoliy aerodrom hisoblanadi. Uning so‘zlariga ko‘ra, bu yetib borish imkoniyatini oshiradi va samolyotlarni havoda yoqilg‘i bilan to‘ldirish imkonini beradi.
“Topshiriqlarni boshqa variant bo‘yicha bajarish imkoniyatini yo‘qqa chiqargan ma’lum bir vaziyatlar bo‘ldi. Yevropa qo‘ymadi, Turkiya qo‘ymadi”, — dedi u “Exo Moskvi” radiosi efirida.
Izoh (0)