“Ummon” guruhi yigitlari har yangi konsert dasturida jonli ijrodagi qo‘shiqlari sonini ko‘paytirishni niyat qilgan. Bu haqda guruh vakillari “Bekajon” gazetasiga bergan intervyusida aytib o‘tdi.
— “Ummon” guruhi yigitlari qachon fonogrammadan voz kechadi?
Guruh a’zosi Zohid: — Qachon hamma xonandalar voz kechishsa, o‘shanda (kuladi). Vaqti keladi, biz ham jonli ijrodagi konsertlar taqdim etamiz. Har yangi konsert dasturimizda jonli ijrodagi qo‘shiqlarimiz sonini ko‘paytirishni niyat qilganmiz.
