AQSh Mudofaa vaziri Eshton Karter ayollar uchun Amerika armiyasining barcha lavozimlarini egallash uchun imkoniyat ochishni buyurdi va hujumda qatnashuvchi jangovar bo‘linmalarda xizmat qilishga ruxsat berdi. Bu haqda “Korrespondent.net” xabar bermoqda.
Jinslar o‘rtasida jismoniy farq borligini e’tirof etar ekan, Karter ko‘plab ayollarning jiddiy jismoniy norma talablariga javob bera olishini, shu bilan birga, unga javob bermaydigan erkaklar ham borligini ta’kidladi.
2013-yilda AQSh prezidenti Barak Obama ma’muriyati 2016-yilda ayollarga har qanday lavozimlarda, shu jumladan piyoda kuchlari, artilleriya, zirhli tank kuchlari va maxsus harbiy kuchlar safida harbiy xizmatni o‘tashga ruxsat berish tashabbusi bilan chiqqan edi. Shu bilan birga, Obama Pentagonga lozim bo‘lgan hollarda istisnolar kiritish imkonini berdi.
Izoh (0)