Fransiya ma’muriyati Parijda 13-noyabr, juma kuni amalga oshirilgan terrorchilik hujumlarida qatnashgan terrorchi-kamikadzelardan birining shaxsini aniqladi. Bu haqda “TASS” xabar bermoqda.
Fransiyalik deputat Jan-Pyer Jorjning so‘zlariga ko‘ra, terrorchi-kamikadzelardan birining ismi Ismoil Umar Mustafo bo‘lib, u 2012-yildan beri Fransiyaning Shartr shahrida istiqomat qilib kelgan. Jorj shu shaharning meri hisoblanadi.
Parijda 13-noyabr, juma kuni teraktlar ketma-ketligi yuz berdi. So‘nggi ma’lumotlarga ko‘ra, qo‘poruvchilik harakatlari oqibatida 129 kishi halok bo‘lgan, 352 kishi yaralangan. Fransiya prezidenti Fransua Olland mamlakatda favqulodda holat tartibini joriy etgan, mamlakatda uch kunlik motam e’lon qilingan.
- Voqea: Parijdagi teraktlar
Izoh (0)