Ayni vaqtda O‘zbekistonda bo‘lib turgan BBC Scotland’ning tasvirga olish guruhi “Ipak yo‘li bo‘ylab Doktor Sem Villis bilan” hujjati filmini suratga olmoqda. Bu haqda, “O‘zbekturizm” milliy kompaniyasi matbuot xizmatiga asoslanib, “12news.uz” xabar bermoqda.
Tomoshabinlar boshlovchi bilan birga Ipak yo‘li bo‘ylab sayohat qilib, qadim davrlarning eng serdaromad savdo yo‘li tamaddunlar hayotini qanchalik o‘zgartirib yuborganidan boxabar bo‘ladi, Samarqand va Buxoroning unutilmas me’moriy yodgorliklarini tomosha qiladi, hunarmandlar, shoirlar va mashshoqlar bilan uchrashadi.
Samarqandga qadar tezyurar poyezdda sayohat qilish O‘zbekiston kelajakka intilayotgan zamonaviy bir mamlakat ekanligini, ayni vaqtda, Ipak yo‘lining o‘ziga xos sehri bugungi kunda ham saqlanib qolganini ko‘rsatadi.
Film 2016-yil fevralida BBC telekanalida namoyish etilishi rejalashtirilmoqda.
Izoh (0)