OAV: AQSh Janubiy Koreyaga bombardimonchi samolyotlar va atom suv osti kemasini keltirishga hozirlik ko‘rmoqda

AQSh va Janubiy Koreya mamlakatga B-52 bombardimonchi samolyotlari hamda atom suvosti kemasini keltirish masalasini muhokama qilmoqda. Bu haqda Ryonxap agentligi ma’lumotlariga tayanib, “Korrespondent.net” xabar bermoqda.

Koreya Respublikasi Mudofaa vazirligining rasmiy vakili Kim Min Sok yarim oroldagi qaltis vaziyat tufayli ikki mamlakat Amerika strategik kuchlarini joylashtirishni muhokama etayotgani haqida ma’lum qilgan bo‘lsa-da, aynan qanday kuchlar haqida gap ketayotganligini oydinlashtirmagan.

Agentlik manbalari bu B-52 samolyotlari, shuningdek, Yaponiyadagi Yokosuki harbiy bazasida turgan atom suvosti kemalari bo‘lishi mumkinligini ma’lum qilgan.