Kreml yaqinida o‘q uzgan kimsa qo‘lga olindi

18-avgust, seshanba kechki payt Moskvadagi Aleksandr bog‘ida, Kreml devorlari oldida otishma ovozi eshitildi: 26 yoshli erkak ov qurolidan yuqoriga qarata ikki marta o‘q uzgan. Bu haqda "Exo Moskvi" radiosiga ma’lumotlariga tayanib, “Korrespondent.net” xabar bermoqda.

Hodisa oqibatida hech kim jabrlanmagan. Huquqbuzar darhol qo‘lga olinib, yaqin oradagi politsiya bo‘limiga jo‘natilgan, unga nisbatan jinoiy ish ochish masalasi ko‘rib chiqilmoqda.

O‘q uzgan kimsani bunga undagan sabablar hozircha ma’lum emas.