Shoir va yozuvchi Aleksandr Pushkinning Toshkent shahridagi haykali yangi joyga ko‘chirildi. Bu haqda “Uz24.uz” xabar bermoqda.
Haykal Bobur va Shota Rustaveli ko‘chalari chorrahasi oldidagi “O‘zbekyengilsanoat” kompaniyasi binosi oldiga o‘rnatilgan, yondosh hududlarda esa obodonlashtirish ishlari olib borilmoqda.
Avval xabar berilganidek, haykal Rus milliy madaniy markazi iltimosiga ko‘ra yangi joyga ko‘chirildi. Ko‘chishdan avval haykal restavratsiya qilindi va avvalgisiga nisbatan balandroq shohsupaga o‘rnatildi.
Haykal atrofida Pushkin davriga xos chiroqlar va o‘rindiqlar o‘rnatilishi rejalashtirilgan.
Izoh (0)