Joriy yilning 18—19-iyul kunlari Armaniston poytaxti Yerevan shahrida erkin kurash bo‘yicha Stepan Sarkisyan kubogi uchun o‘tkazilgan an’anaviy xalqaro turnirda ishtirok etgan Olimpiada o‘yinlari sovrindori Soslan Tigiyev kumush medal sohibi bo‘ldi. Bu haqda O‘zbekiston Milliy olimpiya qo‘mitasi matbuot xizmati xabar beradi.
Yigirmanchi bor tashkil etilgan mazkur xalqaro turnirda og‘irlik vazni 86 kilogrammgacha bo‘lgan polvonlar musobaqasida ishtirok etgan o‘zbekistonlik Soslan Tigiyev saralash bosqichida Vage Tamrazyan (Armaniston), Ibragim Aldatov (Ukraina), Musa Murtazaliyev (Armaniston)ni mag‘lub etib, yarim finalda gruziyalik David Marsagishvilidan 5:1 hisobida ustun keldi.
Afsuski, o‘zbekistonlik kurashchi jarohati tufayli hal qiluvchi bellashuvda gilamga tusha olmadi. Shu tariqa, vazni 86 kilogrammgacha bo‘lgan sportchilar musobaqasida eronlik Alirizo Karimi birinchi, o‘zbekistonlik Soslan Tigiyev ikkinchi, rossiyalik Vladislav Valiyev uchinchi o‘rinni egalladi.
Izoh (0)