Plyaj futboli: Baxtiyor Namozov Braziliya – Ispaniya uchrashuvini boshqarib bordi

Portugaliyada davom etayotgan plyaj futboli bo‘yicha Jahon chempionati guruh bosqichining uchinchi tur o‘yinlari bo‘lib o‘tdi, deb xabar qiladi O‘zbekiston futbol federatsiyasi matbuot xizmati.

Ushbu Jahon chempionatida o‘zbekistonlik hakam Baxtiyor Namozov ham ish olib bormoqda.

Kecha, 14-iyul kuni “C” guruhi, 3-tur o‘yinlari doirasidagi Braziliya – Ispaniya uchrashuvini Namozov boshqarib bordi.

Ma’lumot uchun, mazkur bahs 2:1 hisobida Braziliya terma jamoasining g‘alabasi bilan yakunlandi.

Eslatib o‘tamiz, Namozov oldinroq Senegal – Portugaliya o‘yiniga ham hakamlik qilgandi.